मुंबई वि‌द्यापिठाच्या रजिस्ट्रारकडून वि‌द्यार्थ्याला धक्काबुक्की, लेखी अहवाल देण्यास विद्यापीठाचा नकार

मुंबई प्रतिनिधी
मुंबई वि‌द्यापीठातील विधी विभागाच्या एल एल एम सेमीस्टर 4 परीक्षेतील गैरप्रकाराब‌द्दल जाब विचारणाऱ्या विधी विद्यार्थ्याला मुंबई विद्यापीठाच्या रजिस्ट्रार कडून धक्काबुक्की झाल्याचा प्रकार समोर आला आहे. याविषयी अॅड शशिकांत जगताप यांनी पत्रकार परिषद घेऊन विधी विभागातील गैरप्रकार उघड केला.

अॅड. शशिकांत जगताप हे मुंबई विद्यापीठाच्या विधी विभागातील एल एल एम च्या सेमीस्टर 4 चे विद्यार्थी आहेत. डिसेंब 2025 मध्ये विधी विभागाकडून एल एल एम सेमिस्टर 4 ची अंतिम परीक्षा घेण्यात आली. ही परीक्षा डिझर्टेशन, इंटर डिसिप्लिनरी प्रोजेक्ट आणि तोंडी परीक्षा स्वरुपात असते. अंतिम वर्षाच्या विद्यार्थ्यांना डिझर्टेशन, इंटर डिसिप्लिनरी प्रोजेक्ट सादर करणे आवश्यक असते. तोंडी परीक्षेच्या वेळी शशिकांत जगताप यांना फक्त त्यांचे नाव विचारले. त्यांना डिझर्टेशन, इंटर डिसिप्लिनरी प्रोजेक्ट बाबत कोणत्याही प्रश्न विचारले नाही. यावेळी परीक्षक नायर मॅडम यांनी शशिकांत जगताप यांना शुभेच्छा देत जाण्यास सांगितले यावेळी शशिकांत जगताप यांनी माझ्याकडून काही चूक झाली आहे का असे विचारले असता नायर मॅडम यांनी डिसिप्लिनरी प्रोजेक्टचे स्पायरल बायडिंग केले असल्याचे कारण पुढे केले आणि काहीही बोलण्यास नकार दिला, असे अॅड. शशिकांत जगताप यांनी सांगितले.

एल एल एम सेमीस्टर 4 परीक्षेचा यावर्षी जानेवारीमध्ये निकाल लागला तेव्हा शशिकांत जगताप यांना नापास करण्यात आले होते. सरकारी नोकरीत असलेल्या आणि कधीही लेक्चरमध्ये गैरहजर असलेल्या विद्यार्थ्यांनी डिझर्टेशन आणि इंटर डिसिप्लिनरी प्रोजेक्ट विधी विभागाला सादर केले नाहीत, किंवा तोंडी परीक्षा दिली नाही, अशा विद्यार्थ्यांना उत्तीर्ण करण्यात आले होते, असा आरोप अॅड. शशिकांत जगताप यांनी केला.
प्राध्यापक अलका पाटील यांनी सुरुवातीपासूनच त्यांच्या सोयीनुसार लेक्चर घेतले होते. विद्यार्थ्यांना लेक्चर बाबत निरोप दिला जायचा. प्राचार्य अलका पाटील यांनी याबाबत एकदा विचारणा केली होती तेव्हापासून त्यांचा माझ्यावर राग होता आणि हा राग त्यांनी मला अंतिम परीक्षेत नापास करून काढला अशी माहिती एडवोकेट शशिकांत शिंदे यांनी पत्रकार परिषदेत दिली.