मुंबई प्रतिनिधी: महाराष्ट्रातील शेतकरी, पशुपालक, व्यापारी तसेच खाटीक समाजातील नागरिकांना शेळी-मेंढी व बकऱ्यांची कायदेशीर वाहतूक करताना वारंवार होणारा नाहक त्रास, आर्थिक शोषण आणि अनावश्यक अडथळे रोखण्यासाठी राज्य शासनाने स्वतंत्र व वैज्ञानिक कार्यप्रणाली (SOP) लागू करावी, अशी मागणी ‘राज्य मुस्लिम खाटिक समाज सेवा संस्थे’चे अध्यक्ष तथा भाजप ट्रान्सपोर्ट सेलचे महाराष्ट्र अध्यक्ष हाजी अरफात शेख यांनी केली आहे. या संदर्भात त्यांनी पशुसंवर्धन मंत्री पंकजा मुंडे आणि परिवहन मंत्री प्रताप सरनाईक यांची प्रत्यक्ष भेट घेऊन निवेदन दिले.राज्यातील देवनार पशुवधगृहासह विविध बाजारपेठांमध्ये विक्रीसाठी तसेच पशुपालनासाठी शेळी-मेंढ्यांची कायदेशीर वाहतूक केली जाते आणि या व्यवसायावर हजारो कुटुंबांचा उदरनिर्वाह अवलंबून आहे. मात्र, वाहतुकीदरम्यान वाहनांना विनाकारण अडवून शेतकरी व व्यापाऱ्यांचे मानसिक आणि आर्थिक शोषण केले जात असल्याच्या तक्रारी सातत्याने समोर येत आहेत.या पार्श्वभूमीवर, राज्यातील प्रमुख महामार्गांवर जनावरांसाठी चारा, पाणी, सावली आणि प्राथमिक वैद्यकीय सोयींनी युक्त अशी अधिकृत विश्रांती केंद्रे (Animal Transit Rest Points) उभारण्यात यावीत. तसेच शेळी-मेंढ्यांच्या वाहतुकीसाठी राज्यस्तरीय एकसमान वैज्ञानिक नियमावली तयार करून परिवहन, पशुसंवर्धन, पोलीस व आरटीओ विभागांना तिचे काटेकोर पालन करण्याचे आदेश दिले जावेत. कायदेशीर कागदपत्रे बाळगणाऱ्या वाहतूकदारांना विनाकारण त्रास होणार नाही याची दक्षता घेतानाच पशुकल्याण व व्यापाऱ्यांचे हक्क यांचा समतोल राखणारी पारदर्शक यंत्रणा उभी करावी, अशी मागणी निवेदनात करण्यात आली आहे. याशिवाय, या विषयावर दीर्घकालीन धोरण ठरवण्यासाठी संबंधित सर्व विभागांचे अधिकारी, पशुवैद्यकीय तज्ज्ञ आणि व्यापारी प्रतिनिधींची एक संयुक्त समिती गठीत करावी, अशी विनंतीही हाजी अरफात शेख यांनी केली आहे.

मुंबई प्रतिनिधी मराठा समाजाचे उपनगरातील मानाचे केंद्र मानल्या जाणाऱ्या मुलुंड येथील ‘मराठा मंडळ’ या नामांकित संस्थेच्या २०२६ ते २०२९ या कार्यकाळासाठी पार पडलेल्या त्रैवार्षिक निवडणुकीत ‘अजिंक्य पॅनल’ने विरोधकांचा पूर्णपणे धुव्वा उडवत एकतर्फी ऐतिहासिक विजय संपादन केला. अध्यक्षपदासह कार्यकारिणीच्या सर्वच्या सर्व जागांवर निर्विवाद वर्चस्व मिळवून या पॅनलने मंडळावरील आपली पकड पुन्हा एकदा सिद्ध केली आहे.अध्यक्षपदाच्या चुरशीच्या लढतीत अजिंक्य पॅनलचे श्री. शिवाजी जगन्नाथ सावंत यांनी प्रतिस्पर्ध्यावर मात करत तब्बल ५५८ मते मिळवून दणदणीत विजय मिळवला. या निवडणुकीत एकूण ८०० मतदारांनी मतदानाचा हक्क बजावला होता. सुजाण सभासदांनी संस्थेच्या विकासकामांवर व पारदर्शक कारभारावर विश्वास ठेवत पॅनलच्या पाठीशी उभे राहण्याचा कौल दिला.कार्यकारिणी सदस्य पदासाठी झालेल्या मतदानात (एकूण मतदान: ७७०) अजिंक्य पॅनलच्या सर्व १४ उमेदवारांनी प्रतिस्पर्ध्यांवर मात करत निर्णायक आघाडी घेतली. यामध्ये सौ. शुभदा योगेश म्हामुणकर यांनी सर्वाधिक ५३४ मते मिळवून अव्वल स्थान पटकावले, तर श्री. संतोष परशुराम सावंत यांनी ५२८ मते मिळवत द्वितीय क्रमांक राखला. आणि तिसऱ्या क्रमांकावर श्री विनय नारायण शेलार आणि सौ. सोनाली संतोष  सावंत ह्यांना ५१९ मते मिळाली.उर्वरीत कार्यकारिणी सदस्य श्री. रमेश लक्ष्मणराव शिंदे, श्री दीपक सगुण राणे, श्री. सचिन भालचंद्र पाटील, श्री. रवींद्र वासुदेव सावंत, श्री. संतोष गंगाराम महाडिक, श्री. वैभव अरविंद राणे, श्री. अरुण विठ्ठल चव्हाण, श्री. दीपक धोंडीराम सावंत, श्री. मनोहर जनार्दन जुन्नरे, श्री. निलेश शंकर सुर्वे.निकाल जाहीर होताच विजयी उमेदवारांनी आणि सभासदांनी श्री तुळजा भवानी ओटी भरली आणि ‘जय भवानी, जय शिवाजी’च्या गगनभेदी घोषणा देत एकच जल्लोष केला.या विजयानंतर नवनिर्वाचित अध्यक्ष श्री. शिवाजी सावंत यांनी भावना व्यक्त करताना सांगितले की, “हा विजय म्हणजे संस्थेच्या प्रामाणिक कार्यावर आणि समाजहिताच्या ध्येयावर सभासदांनी मारलेली पसंतीची मोहोर आहे. हा केवळ एका पॅनलचा विजय नसून समस्त मराठा बांधवांच्या एकजुटीचा विजय आहे. मतदारांनी आमच्यावर दाखवलेला अतूट विश्वास आम्ही मंडळाच्या सर्वांगीण विकासातून आणि नवनवीन समाजोपयोगी उपक्रमांतून सार्थ ठरवू.”या निवडणुकीत मतदान करणाऱ्या, सहकार्य करणाऱ्या सर्व सभासद आणि ज्येष्ठ मार्गदर्शनाची मंडळातर्फे आभार मानण्यात आले. सर्व विजयी उमेदवारांवर विविध सामाजिक, राजकीय आणि शैक्षणिक क्षेत्रांतून अभिनंदनाचा वर्षाव होत आहे.

ठाणे प्रतिनिधी – ठाण्यात रात्रीच्या गस्तीवर असताना पोलीस उपनिरीक्षक (पीएसआय) किसन भोईर यांची एका कुख्यात गुंडाने निर्घृण हत्या केली. या धक्कादायक घटनेमुळे महाराष्ट्र पोलीस दलात प्रचंड खळबळ उडाली आहे. पोलिसांनी या प्रकरणातील मुख्य आरोपी आणि रेकॉर्डवरील स्थानिक गावगुंड राजू वाल्मिकी याला तात्काळ अटक केली आहे.हाती आलेल्या वृत्तानुसार, चितळसर पोलीस ठाण्याचे 56 वर्षीय पीएसआय किसन भोईर हे 24 सप्टेंबर रोजी गुरुवारी रात्री आपल्या सहकाऱ्यांसह पोखरण रोड क्रमांक 2 परिसरातील गांधीनगर आणि सुभाषनगर भागात गस्त घालत होते. यावेळी आरोपी राजू वाल्मिकी हा सार्वजनिक ठिकाणी रस्त्यावर बसून उघडपणे मद्यपान करत असल्याचे पोलिसांच्या निदर्शनास आले. भोईर यांनी त्याला हटकले आणि पोलीस व्हॅनमध्ये बसण्यास सांगितले. यावरून दोघांमध्ये जोरदार बाचाबाची झाली. आरोपी राजू वाल्मिकी याने  पोलीस उपनिरीक्षक भोईर यांच्यावर पाठीमागून बांबू, दगड आणि सिमेंटच्या विटेने डोक्यात भीषण प्रहार केला. तसेच त्यांना जोरदार धक्का देऊन खाली पाडले, ज्यामुळे भोईर जमिनीवर डोक्यावर आदळले. डोक्याला जबर मार लागल्यामुळे आणि गंभीर दुखापत झाल्याने पीएसआय किसन भोईर यांचा जागीच मृत्यू झाला. गंभीर जखमी अवस्थेतही सहकाऱ्यांच्या मदतीने आरोपी राजू वाल्मिकीला पळून जाण्यापूर्वीच जागीच पकडण्यात आले आणि पोलिसांनी त्याला बेड्या ठोकल्या. माहिती मिळताच पोलीस उपायुक्त प्रशांत कदम आणि वरिष्ठ पोलीस निरीक्षक सुनील वरूडे यांच्यासह वरिष्ठ अधिकाऱ्यांनी तातडीने घटनास्थळाला भेट देऊन पाहणी केली. या प्रकरणी आरोपी राजू वाल्मिकी विरुद्ध चितळसर पोलीस ठाण्यात भारतीय न्याय संहितेच्या कलम 103(1) , 132, 121 आणि इतर कलमान्वये गुन्हा दाखल करण्यात आला असून पोलीस अधिक तपास करत आहेत. गणपती विसर्जनाच्या सुरक्षेच्या पार्श्वभूमीवर कर्तव्यावर असलेल्या एका वरिष्ठ पोलीस अधिकाऱ्याचीच हत्या झाल्याने ठाणे शहर आणि पोलीस वर्तुळात तीव्र संताप व सुरक्षेबाबत चिंता व्यक्त केली जात आहे.ठाणे पोलिसांच्या प्राथमिक तपासानुसार, आरोपी राजू वाल्मिकी हा पोलीस रेकॉर्डवरील सराईत गुन्हेगार आहे.तो मूळचा पोखरण रोड क्रमांक 2, गांधीनगर (ठाणे) परिसरातील रहिवासी असून, स्थानिक भागात त्याची गावगुंड म्हणून मोठी दहशत होती. त्याच्यावर यापूर्वीही स्थानिक पोलीस ठाण्यात मारामारी, उच्छाद मांडणे, सार्वजनिक ठिकाणी शांतता भंग करणे आणि धमकावणे अशा विविध गुन्ह्यांची नोंद आहे.

मुंबई प्रतिनिधी श्रीलंका संसदेत खासदार म्हणून निवडून आलेल्या भारतीय वंशाच्या निला विखे पाटील यांनी महाराष्ट्राचे मंत्री आणि आपले चुलते राधाकृष्ण विखे पाटील तसेच चुलत भाऊ सुजय विखे पाटील यांच्यावर निशाणा साधला आहे. “गेल्या दशकभरात ज्यांच्याशी माझा कोणताही संबंध राहिलेला नाही, ते आज माझ्या राजकीय यशाचे श्रेय लाटण्याचा प्रयत्न करत आहेत,” अशा शब्दांत निला यांनी PTI ला आपली प्रतिक्रिया दिली आहे. या संदर्भातील वृत्त ‘द ट्रिब्यून’ या वृत्तसंस्थेने दिले आहे. निला विखे पाटील या प्रसिद्ध शिक्षणतज्ज्ञ डॉ. अशोक विखे पाटील यांच्या कन्या आहेत. १३ सप्टेंबर रोजी पार पडलेल्या स्वीडनच्या राष्ट्रीय निवडणुकीत त्या स्टॉकहोम शहर मतदारसंघातून ३४९ सदस्यांच्या संसदेवर निवडून आल्या आहेत. त्या स्वीडनच्या ‘ग्रीन पार्टी’च्या प्रमुख नेत्या मानल्या जातात. आपल्या राजकीय यशावर भाष्य करताना निला यांनी PTI वृत्तसंस्थेशी संवाद साधला. त्या म्हणाल्या, “कोणीतरी मला एक व्हिडिओ पाठवला, ज्यामध्ये सुजय विखे पाटील सांगताना दिसत आहेत की, ‘महाराष्ट्रात भलेही विखे पाटलांचा खासदार पराभूत झाला असला, तरी कुटुंबाने स्वीडनमध्ये आपला खासदार निवडून आणला आहे.’ हे ऐकून मला अत्यंत आश्चर्य वाटले.” गेल्या १० वर्षांपेक्षा जास्त काळात माझा काका किंवा चुलत भावाशी कोणताही संपर्क आलेला नाही. मी नियमितपणे भारतात येत असते, पण आता मी खासदार झाल्यानंतर ते माझ्या यशाच्या आधारे स्वतःचा फायदा उठवण्याचा प्रयत्न करत आहेत,” असा दावा निला यांनी केला. २०२४ च्या लोकसभा निवडणुकीत अहिल्यानगर (पूर्वीचे अहमदनगर) मतदारसंघातून भाजपचे उमेदवार सुजय विखे पाटील यांचा राष्ट्रवादी काँग्रेस (शरदचंद्र पवार) पक्षाचे नेते निलेश लंके यांनी पराभव केला होता. या पराभवाच्या पार्श्वभूमीवर सुजय विखे पाटील यांनी निला यांच्या निवडून येण्याचा संदर्भ देत वक्तव्य केले होते. ४१ वर्षीय निला यांनी विखे पाटील कुटुंबाच्या बदलत्या राजकीय भूमिकेवरही टिप्पणी केली. “त्यांचे राजकारण आणि माझे राजकारण पूर्णपणे वेगळे आहे. मी माझा पक्ष कधीही बदलणार नाही, पण त्यांनी मात्र पक्ष बदलले आहेत.” २०१९ मध्ये भाजपमध्ये प्रवेश करण्यापूर्वी राधाकृष्ण विखे पाटील यांनी काँग्रेस आणि शिवसेना या दोन्ही पक्षांमध्ये काम केले आहे. काँग्रेसमध्ये असताना त्यांनी कॅबिनेट मंत्री आणि विधानसभेचे विरोधी पक्षनेतेपदही भूषवले होते. निला पुढे म्हणाल्या, “माझ्या विजयानंतर काकांनी मला फोन करून अभिनंदन केले, ही त्यांची सौजन्याची भूमिका होती. पण त्या पलीकडे गेल्या १० वर्षांत आमच्यात कोणताही संवाद झालेला नाही.”

घोडपदेव सार्वजनिक गणेशोत्सव मंडळाचे विविध मान्यवरांनी दर्शन घेतले. हा गणपती फार जुना असून याची प्रचिती अनेक भाविकांना आहे अशी माहिती मंडळाचे अध्यक्ष दत्तात्रय थोरात यांनी दिली.

मराठवाडा प्रतिनिधी मराठवाड्यात पावसाने ओढ दिल्याने खरीप पिकांवर संकट आले असताना, शेतकऱ्यांच्या प्रश्नांचा आढावा घेण्यासाठी १९ सप्टेंबर रोजी नांदेडमध्ये विभागीय दुष्काळ आढावा बैठक झाली. कृषिमंत्री दत्तात्रय भरणे यांच्या अध्यक्षतेखाली झालेल्या या बैठकीत लोकप्रतिनिधी आणि अधिकाऱ्यांसमोर काजू-बदाम, पिस्ता आणि मनुका असलेल्या थाळ्या ठेवण्यात आल्याचे व्हिडिओ समोर आले. काही लोकप्रतिनिधी सुकामेवा खाताना दिसल्याने या बैठकीवरून राजकीय वाद निर्माण झाला. या वादाच्या केंद्रस्थानी खासदार संजय जाधव यांचा काजू-बदाम खातानाचा व्हिडिओ आला. पत्रकारांनी याबाबत विचारणा केली असता, “समोर ताट वाढल्यावर खाणं चुकीचं आहे का?” असा प्रतिप्रश्न त्यांनी केला. “दुष्काळ आहे म्हणून कोणी खात नाही का?” असेही त्यांनी म्हटले. मात्र, काजू-बदाम ठेवण्याची जबाबदारी प्रशासनाची असल्याचे सांगत त्यांनी हा मुद्दा फार मोठा करू नये, अशी भूमिका मांडली. मुख्यमंत्री देवेंद्र फडणवीस यांनी मात्र या प्रकारावर प्रशासनाला संवेदनशील राहण्याचा सल्ला दिला. बैठकीत सुका मेवा ठेवण्याची पद्धत असली, तरी अशा परिस्थितीत अशा गोष्टी टाळल्या पाहिजेत आणि प्रशासनाने परिस्थितीचे भान ठेवले पाहिजे, असे त्यांनी स्पष्ट केले. विशेष म्हणजे, या वादानंतर मंत्री संजय शिरसाट यांनी थेट अधिकाऱ्यांवर जबाबदारी ढकलली. आपण बैठकीला उपस्थित नव्हतो, असे स्पष्ट करत त्यांनी “अधिकारीच असे काजू-बदाम आणून ठेवतात आणि बदनाम मात्र लोकप्रतिनिधी होतात,” अशी भूमिका मांडली. याबाबत विभागीय आयुक्तांना सूचना देणार असल्याचेही त्यांनी सांगितले. मंत्री पंकजा मुंडे यांनीही काजू-बदामाच्या मुद्द्यावरून विरोधकांच्या टीकेला उत्तर दिले. लोकप्रतिनिधी काजू-बदाम खाण्यासाठी बैठकीला गेले नव्हते; बैठकीत चहा-पाणी आणि काही खाद्यपदार्थ देण्याची व्यवस्था असते, त्यामुळे काजू-बदाम हा बैठकीचा मुख्य विषय नाही, असे त्यांनी म्हटले. दुसरीकडे, विधान परिषदेतील माजी विरोधी पक्षनेते अंबादास दानवे यांनी सरकारवर जोरदार टीका केली. शेतकरी संकटात असताना दुष्काळी बैठकीत सुकामेवा ठेवणे हे शेतकऱ्यांच्या भावनांशी खेळणारे असल्याचा आरोप त्यांनी केला. केवळ बैठका घेण्याऐवजी तातडीने दुष्काळ जाहीर करून शेतकऱ्यांना मदत करण्याची मागणीही त्यांनी केली. मुळात प्रश्न केवळ काजू-बदामाचा नाही, तर संकटाच्या काळात सत्ताधारी आणि प्रशासनाने दाखवायच्या संवेदनशीलतेचा आहे. उद्या अधिकाऱ्यांनी प्लेटमध्ये शेण आणून ठेवलं, तर तेही “समोर ताट वाढलं म्हणून” खायचं का? सगळं स्वतः मजेत उपभोगायचं आणि विषय अंगाशी आला की अधिकाऱ्यांच्या डोक्यावर खापर फोडून मोकळं व्हायचं—ही राजकीय सारवासारव जनतेला कितपत पटते, हा खरा प्रश्न आहे. दुष्काळी बैठकीचा केंद्रबिंदू काजू-बदाम नसून करपलेल्या पिकांसाठी मदत, पाण्याची उपलब्धता आणि शेतकऱ्यांना तातडीचा दिलासा हा असायला हवा. —

नवी मुंबई : CREDAI MCHI YOUTH NMR तर्फे नवी मुंबई व रायगड (NMR) परिसरात ‘Ease of Doing Redevelopment (EODR) 2.0’ च्या दुसऱ्या आवृत्तीचे आयोजन करण्यात येणार आहे. रविवार, 27 सप्टेंबर 2026 रोजी सकाळी 10.30 ते रात्री 8 वाजेपर्यंत हॉल ए, CIDCO एक्झिबिशन सेंटर, नवी मुंबई येथे हे एकदिवसीय प्रदर्शन होणार आहे. नवी मुंबईतील विविध नोड्स तसेच व्यापक NMR परिसरातील 1,500 हून अधिक गृहनिर्माण संस्था या प्रदर्शनाला भेट देतील, अशी अपेक्षा आहे. नवी मुंबईतील 40 हून अधिक विकासक या उपक्रमात सहभागी होणार आहेत.मागील आवृत्तीत सुमारे 800 ते 1,000 गृहनिर्माण संस्थांनी सहभाग नोंदवला होता. यंदा विकासकांचा सहभागही वाढवण्यात आला असून, गृहनिर्माण संस्थांना अधिक पर्याय आणि विकासकांशी थेट संवाद साधण्याची संधी उपलब्ध करून देण्याचा प्रयत्न करण्यात आला आहे.पुनर्विकास हा गृहनिर्माण संस्था आणि मालमत्ता मालकांसाठी त्यांच्या सध्याच्या घरांचे आणि समुदायाचे भवितव्य विचारात घेण्याची महत्त्वाची संधी आहे. मात्र, पुनर्विकास प्रक्रियेत विविध टप्प्यांवर मूल्यांकन, चर्चा, सल्लामसलत आणि सामूहिक निर्णय घेणे आवश्यक असते. त्यामुळे पारदर्शकता, जनजागृती आणि सहकार्यपूर्ण पुनर्विकास या प्रमुख उद्देशांसह EODR 2.0 हे व्यासपीठ तयार करण्यात आले आहे.या प्रदर्शनाच्या माध्यमातून सोसायटीचे प्रतिनिधी आणि मालमत्ता मालकांना पुनर्विकास प्रक्रियेची अधिक चांगली माहिती मिळणार असून, विकासकांशी थेट संवाद साधता येणार आहे. तसेच संबंधित तज्ज्ञांकडून मार्गदर्शन घेण्याची संधीही उपलब्ध होणार आहे.प्रदर्शनादरम्यान विविध विषयांवर पॅनेल चर्चाचे तसेच तज्ज्ञांच्या मार्गदर्शन सत्रांचे आयोजन करण्यात येणार आहे. पुनर्विकास प्रक्रियेसंदर्भातील विविध प्रश्न, शक्यता आणि आवश्यक बाबींवर या माध्यमातून चर्चा करता येणार आहे.EODR ची दुसरी आवृत्ती ही पुनर्विकासाबाबतची जनजागृती ही सातत्याने सुरू राहणारी प्रक्रिया असावी, या CREDAI MCHI YOUTH NMRच्या भूमिकेचे प्रतिबिंब आहे. सर्व गृहनिर्माण संस्था एकाच वेळी पुनर्विकासासाठी पात्र ठरत नाहीत. विविध सोसायट्या त्यांच्या इमारतींच्या जीवनचक्रातील संबंधित टप्प्यावर पोहोचत असताना, मालमत्ता मालकांना योग्य वेळी माहिती आणि पुनर्विकासाशी संबंधित संधी व बाबींची समज असणे आवश्यक आहे.

दिनेश शिंदेबी. कॉम. आयईएमबीए (युबीआय-युरोप) राष्ट्रीय सह समन्वयक व मिडिया समन्वयक, शिवसेना* “स्थानिक अनुभवांना जागतिक ज्ञानाची जोड आणि जागतिक दृष्टिकोनाला लोकाभिमुख कृतीची दिशा”,* आजच्या बदलत्या भारतासाठी नेतृत्वाची ही सांगड अत्यंत महत्त्वाची ठरत आहे. कल्याण लोकसभा मतदारसंघाचे *खासदार डॉ. श्रीकांत एकनाथ शिंदे*:यांची शैक्षणिक आणि सार्वजनिक जीवनातील वाटचाल पाहिली तर स्थानिक पातळीवरील सामाजिक वास्तव समजून घेत असताना व्यापक आणि आंतरराष्ट्रीय संदर्भांचा अभ्यास करण्याची महत्वाची वाटचाल/ प्रक्रिया दिसून येतेय. जरी त्यांची शैक्षणिक पार्श्वभूमी M.B.B.S. आणि M.S. (Orthopaedics) अशी आहे; तरी या पार्श्वभूमीवर *TRIUM Global Executive MBA* सारख्या आंतरराष्ट्रीय कार्यक्रमातील शिक्षणाचा अनुभव ही केवळ पदवी मिळवण्याची बाब न राहता *त्यांच्या नेतृत्वाच्या आधुनिक विचारविश्वाचा विस्तार करणारी प्रक्रिया* नक्कीच ठरू शकते. *London School of Economics and Political Science* च्या या अभ्यासक्रमात रणनीती, वित्त आणि नेतृत्वासोबत नवोन्मेष, कृत्रिम बुद्धिमत्ता, frontier markets आणि बदलत्या जागतिक परिस्थितीत नेतृत्व यांचा अभ्यासाचा अंतर्भाव असल्याने जगातील विविध देश आणि उद्योगांतील अनुभवी व्यक्ती एकत्र शिकतात, ही त्याची आणखी एक महत्त्वाची वैशिष्ट्यपूर्ण बाब आहे. *”लोकलपासून ग्लोबल”दृष्टीचा विस्तार* आजच्या काळात एखाद्या लोकप्रतिनिधी समोरची आव्हाने केवळ स्थानिक रस्ते, पाणी, वाहतूक, आरोग्य किंवा रोजगारापुरती मर्यादित राहिलेली नाहीत. जागतिक अर्थव्यवस्था, तंत्रज्ञान, कृत्रिम बुद्धिमत्ता, पुरवठा साखळी, ऊर्जा, हवामानबदल आणि आंतरराष्ट्रीय राजकारण यांचा थेट किंवा अप्रत्यक्ष परिणाम स्थानिक नागरिकांच्या जीवनावर होत आहे. LSE च्या अलीकडील अभ्यासांमध्येही भू-राजकारण आणि अर्थव्यवस्था यांच्यातील वाढते परस्परसंबंध अधोरेखित केले आहेत. जागतिक राजकीय घडामोडींचा परिणाम बाजारपेठा, गुंतवणूक, पुरवठा साखळी आणि धोरणात्मक निर्णयांवर होऊ शकतो. म्हणूनच *“लोकल टू ग्लोबल”* हा केवळ आकर्षक शब्दप्रयोग नसून आजच्या सार्वजनिक नेतृत्वासाठी आवश्यक असलेल्या आधुनिक विचारविस्ताराचे प्रतीक म्हणून पाहता येतेय. *ज्ञान म्हणजे केवळ पदवी नव्हे* आंतरराष्ट्रीय शिक्षणाचा खरा अर्थ केवळ परदेशातील नामांकित संस्थेत शिकणे एवढाच नसतो तर विविध देशांतील लोकांशी संवाद साधणे, वेगवेगळ्या सामाजिक-आर्थिक वास्तवांचा अभ्यास करणे, प्रश्नांकडे अनेक दृष्टिकोनांतून पाहणे आणि उपलब्ध माहितीच्या आधारे स्वतंत्र विचार विकसित करणे, ही त्याची खरी ताकद आहे. TRIUM कार्यक्रमाची रचना देखील जागतिक अनुभवावर भर देते. LSE मध्ये विविध राष्ट्रीयता व उद्योगांतील अनुभवी व्यावसायिकांचा देखील सहभाग असतो. अशा वातावरणातून मिळणारा अनुभव सार्वजनिक जीवनात उपयोगी ठरू शकतो, कारण धोरणनिर्मिती ही एका प्रश्नाचे एकच उत्तर शोधण्याची प्रक्रिया नसते. त्यात अर्थव्यवस्था, समाज, तंत्रज्ञान, पर्यावरण, प्रशासन आणि नागरिकांच्या अपेक्षा यांचा परस्परसंबंध समजून घ्यायला वाव मिळत असतो. *युवा नेतृत्वासाठी अभ्यासाची दिशा* युवा नेतृत्वाची खरी कसोटी केवळ उत्साहात नसते; ती अभ्यास, संवाद, निर्णयक्षमता आणि बदलत्या परिस्थितीशी जुळवून घेण्याच्या क्षमतेत असते. *डॉ. श्रीकांत शिंदे* यांच्या बाबतीत वैद्यकीय शिक्षणातून विकसित झालेला शास्त्रीय आणि विश्लेषणात्मक दृष्टिकोन, सार्वजनिक जीवनातील अनुभव आणि आता *आंतरराष्ट्रीय व्यवस्थापन व भू-राजकारणाच्या अभ्यासातून मिळणारा व्यापक दृष्टिकोन;* या विविध अनुभवांची सांगड त्यांच्या सार्वजनिक भूमिकेला अधिक व्यापक बौद्धिक चौकट देऊ शकेल. याचा सर्वात महत्त्वाचा परिणाम असा असू शकतो की, स्थानिक प्रश्नांकडे पाहताना केवळ तात्कालिक उपाय न शोधता त्यामागील मोठ्या आर्थिक, सामाजिक आणि धोरणात्मक घटकांचाही विचार करायला संधी निर्माण होत असते. *लोकाभिमुख नेतृत्वाची खरी दिशा* जागतिक ज्ञानाचा अंतिम उपयोग जर सामान्य नागरिकांच्या जीवनात सकारात्मक बदल घडवून आणण्यासाठी होणार असल्याने या  ज्ञानाला नक्कीच सार्वजनिक अर्थ प्राप्त होऊ शकेल. आजच्या भारताला अशा नेतृत्वाची गरज आहे जे एका बाजूला जागतिक स्तरावरील बदल समजून घेईल आणि दुसऱ्या बाजूला सामान्य नागरिकांच्या दैनंदिन प्रश्नांशी जोडलेले राहील. उत्तम पायाभूत सुविधा, रोजगारनिर्मिती, आधुनिक आरोग्यव्यवस्था, कौशल्यविकास, डिजिटल तंत्रज्ञान, शाश्वत शहरी विकास, शिक्षण आणि युवा संधी; या प्रत्येक क्षेत्रात जागतिक अनुभवांचा अभ्यास करून त्यातील उपयुक्त बाबी स्थानिक गरजांनुसार स्वीकारण्याची आज आवश्यकता आहे. *जागतिक विचार आणि स्थानिक कृती* यांची सांगड हीच भविष्यातील लोकाभिमुख विकासाची महत्त्वाची दिशा ठरू शकते. *भारताच्या प्रगतिशील युवा नेतृत्वाची गरज* भारत आज जगातील महत्त्वाच्या आर्थिक, तांत्रिक आणि सामरिक शक्तींमध्ये आपले स्थान अधिक दृढ करण्याच्या प्रक्रियेत आहे. अशा काळात भारत देशातील सार्वजनिक उच्च नेतृत्वाने केवळ वर्तमानाचा विचार न करता पुढील दशकातील आव्हाने आणि संधी ओळखणे आवश्यक आहे असे वाटतेय. *कृत्रिम बुद्धिमत्ता, डिजिटल अर्थव्यवस्था, हरित ऊर्जा, जागतिक व्यापारातील बदल, आरोग्य तंत्रज्ञान, कौशल्याधारित रोजगार आणि शहरीकरण ही क्षेत्रे भविष्यातील भारताची दिशा ठरविणार आहेत.* म्हणूनच राजकिय दुरदृष्टी म्हणजे केवळ मोठी स्वप्ने पाहणे नव्हे; तर भविष्यातील बदलांचा अभ्यास करून आज योग्य प्रश्न विचारणे आणि त्यानुसार कृतीची दिशा ठरवणे अत्यावश्यक ठरेल यात दुमत नसावे असे वाटते. वरील सगळ्या बाबींचा सारासार सुक्ष्म विचार करायचा झाल्यास *“लोकल टू ग्लोबल”* ही संकल्पना एका व्यक्तीच्या शैक्षणिक प्रवासापुरती मर्यादित न राहता आजच्या *भारतातील नव्या नेतृत्वाच्या अपेक्षांचे प्रतीक* बनू शकते. स्थानिक मातीशी जोडलेली नाळ, आंतरराष्ट्रीय ज्ञानाची व्यापकता, तंत्रज्ञानाची जाण, विविध विचार ऐकण्याची तयारी आणि नागरिककेंद्रित विकासाची बांधिलकी; या घटकांची सांगड घातली तर सार्वजनिक नेतृत्व अधिक अभ्यासपूर्ण, आधुनिक आणि भविष्याभिमुख होऊ शकते. *डॉ. श्रीकांत शिंदे यांची ही ज्ञानयात्रा* अशा व्यापक विचारप्रक्रियेच्या दृष्टीने पाहता येते. *कारण खरे नेतृत्व केवळ आजच्या प्रश्नांची उत्तरे देत नाही; ते उद्याचे प्रश्न ओळखण्यासाठी समाजाला तयार करते.* 👉🏾 *स्थानिक अनुभवातून जागतिक दृष्टीकडे…*👉🏾 *जागतिक ज्ञानातून लोकाभिमुख कृतीकडे…**आणि 👉🏾 आजच्या नेतृत्वातून उद्याच्या भारताकडे!* *“ज्ञान व्यापक असावे, विचार स्वतंत्र असावा आणि विकासाचा केंद्रबिंदू सामान्य नागरिक असावा.”* हेच ओळखून डॉ. श्रीकांत शिंदे यशाकडे जाणारी वाटचाल करीत आहेत. शिवसेनेच्या उज्वल भविष्यासाठी अहोरात्र मेहनत व अभ्यास करणा-या या युवा नेतृत्वास माझ्याकडून तसेच तमाम शिवसैनिकांकडून मनपुर्वक शुभेच्छा !! ⛳️

Mumbai reporter :For the first time outside India, a special commemoration of the 75th anniversary of the Indian Constitution will be held at the Parliament of the United Kingdom in London. The landmark event will bring together prominent dignitaries, ministers, parliamentarians, diplomats, industrialists and social leaders from India and several countries. The programme is being jointly organised by Bodhisattva Foundation, Mumbai, India, and BBMG Foundation, London, UK. The announcement was made by Bodhisattva Foundation Founder-President Avinash Kamble and BBMG Foundation Founder-President Dr. Gaurav Hans at a press conference held at the Mumbai Marathi Patrakar Sangh. The celebrations are scheduled to be held from April 27 to May 2, 2027, at the UK Parliament in London. Representatives from India, Japan, Cambodia, Thailand, Sri Lanka, France, South Korea and the United Kingdom are expected to participate in the programme. Ministers, Members of Parliament, ambassadors and leading industrialists from these countries are expected to attend. The event will commemorate the legacy and contribution of Bharat Ratna Dr. B. R. Ambedkar, the principal architect of the Indian Constitution. Various programmes highlighting his life, social movements, vision, literary contributions and legacy will be organised as part of the celebrations. A special theatrical presentation depicting the life and journey of Dr. Babasaheb Ambedkar will also be staged in London and Leicester. As part of the programme, the Indo-UK Free Trade Summit – Chapter 10 will also be organised at the UK Parliament. The summit aims to bring together leading industrialists, entrepreneurs and key stakeholders from India and the UK to promote bilateral trade, investment and business cooperation. According to the organisers, the broader objectives of the initiative are to promote social equality, cultural exchange, economic cooperation and stronger India-UK relations, while taking the message and legacy of the Indian Constitution and Dr. Babasaheb Ambedkar to an international platform. Among the dignitaries expected to attend from India are Union Minister Kiren Rijiju, Union Minister Piyush Goyal, Union Minister of State Ramdas Athawale and Maharashtra Social Justice Minister Sanjay Shirsat. From the United Kingdom, the expected dignitaries include former Prime Minister Rishi Sunak, MP Virendra Sharma, MP Rami Ranger, former Mayor Sunil Chopra, Holy Group Chairman Vijay Gandhi, MP Bob Blackman and MP Gareth Thomas, along with other prominent personalities. Former Thai Prime Minister Prayut Chan-o-cha and Adul Boonthamcharoen, among other dignitaries from Thailand, are also expected to participate. From Sri Lanka, former President Mahinda Rajapaksa is expected to attend the programme. The organisers said the international event will serve as an important platform to celebrate the values of the Indian Constitution, showcase Dr. Babasaheb Ambedkar’s global legacy and strengthen social, cultural and economic ties between India and the international community.